યુરોપ ટુર-14

 યુરોપ ટુર -14 તા -31-8-22 ડો પ્રકાશભાઈ શુક્લ


આજ છેલો દિવસ -દરેક ની ફ્લાઇટ મુજબ એર પોર્ટ મૂકી જવાના હતા
અમે અને રાઠોડ સાહેબ એમિરેટ એર લાઇન્સ માં સવારના 10-45
રવાના થતી ફ્લાઇટ માં જવાનું હતું -સવારે બ્રેક ફાસ્ટ કરીને 7-45 હોટેલ
થી નીકળ્યા ,એર પોર્ટ હોટેલ થી નજીક હતું અમારા સારા નસીબે અમદાવાદ
સુધી સમય સર પહોંચી ગયા રાઠોડ સાહેબ ની હેલ્પ થી કોઈ તકલીફ ના પડી
જોધપુર માં રહેતા વસાવડા સાહેબ ને 20 દિવસ પછી બેગ મળી
ઘરે આવ્યા પછી પણ બીમાર ના પડ્યા તે ઈશ્વર ની કૃપા -પરદેશ ના
હવા -પાણી ચોખા તે કદાચ હોઈ શકે -અમે પાણી ખરીદીને પીધું નથી
ટુર મેનેજર શ્યામ ખુબજ સૌના પ્રિય બની ગયા હતા -તેમનું જ્ઞાન દરેક
વિષય પર ઊંડાણ પૂર્વક હતું -દરરોજ અમને જોવાના સ્થળોની પૂર્ણ
માહિતી આપતા -ગાડી ચાલતી હોય ત્યારે તેના ખેતીવાડી વિષે પણ કહેતા
શું ના કરવું તે ખાસ કહેતા -ઝીબ્રા ક્રોસિંગ થીજ રોડ ક્રોસ કરવો -સીટ
બેલ્ટ બાંધવો -તેઓ લંડન માં સ્થાયી થયેલા છે -યુરોપીઅન દેશો ના
વિષય માં તેમની જાણકારી સરસ છે તેમણે સૌને મદદ કરી છે .મને પણ
ખુબજ મદદ કરી છે -તેમનો હું આભાર વ્યક્ત કરું છું
અમે જે કોચ માં મુસાફરી કરી તે મર્સીડીઝ બેન્ઝ કંપની નો હતો -
ડ્રાઈવર પાલૅન્ડ દેશ ના હતા .તેમનું નામ જેક હતું -તેમના કપડાં અને
તેમનું કામ આકર્ષક હતું -આખી મુસાફરી માં હોર્ન મેં સાંભળ્યો નથી
એવી બ્રેક નથી મારી કે આપણને તકલીફ પડે ,કોચ સુવિધાયુક્ત હતો
અહીં ગાડી જમણી બાજુ ચલાવવાની એટલે ડ્રાઈવર સીટ ડાબી બાજુ
હતી -એરોપ્લેન જેવા સીટબેલ્ટ હતા ,આગળ અને મધ્ય માં દરવાજો
અને tv હતા -માઈક અને સાઉન્ડ સિસ્ટમ સરસ હતી -તેમની સાથે
વાત કરીએ તો સ્મિત થી જવાબ આપતા -ગ્રુપ ફોટો અને અમારા
મેનેજર નો ફોટો મુક્યો છે અને કોચ ની માહિતી વાળો વિડિઓ મુકેલ છે
અમારી સાથે સારેગામાં ફેમ શ્રી વિશ્વનાથજી બોટુગે હતા -તેમણે અમને
ઘણાજ ગીત સંભળાવ્યા છે -એક વિડિઓ તેમનો શ્રી રશ્મિભાઈ શાહે
મોકલ્યો છે તે મૂકુંછું
મેં પણ એક ગીત ગાયું હતું તેની વિડિઓ કલીપ શ્રીમતી ભારતીબેન
રાઠોડે મોકલી છે તે હું મુકું છું -આશા છે પસંદ આવશે
તમારો સૌનો આભાર માનું છું અને યુરોપ ટુર ના લેખ ની સમાપ્તિ કરું છું

યુરોપ ટુર-13

 યુરોપ ટુર -13 તા -27-8-22 ડો .પ્રકાશભાઈ શુક્લ


આજ સવારે અમારે ડિઝનીલેન્ડ જવાનું હતું .અમને આજ મેનેજર પેક્ડ લંચ
આપવાના છે .ડિઝનીલેન્ડ નામ વૉલ્ટ ડિઝની નામના વ્યક્તિ ની અટક
પર થી પડ્યું છે , વોલ્ટ ડિઝનીએ બાળકો માટે સૌ પ્રથમ એમ્યુઝમેન્ટ પાર્ક
અમેરિકા માં તૈયાર કર્યો મીકીમાઉસ જેવા અનેક પાત્રો તૈયાર કરી એનિમેશન
ફિલ્મ બનાવી .બાળકો ને આનંદીત તો કરે પણ સૌને મજા પડે તેવા પાર્ક છે
પેરિસ થી પૂર્વ દિશા માં આશરે 45 કિલોમીટર દૂર ચેસી નગર પાસે આ
ડિઝનીલેન્ડ -એમ્યુઝમેન્ટ પાર્ક આવેલો છે આ પાર્ક 1992 માં તૈયાર થઈને
ખુલો મુકાયો હતો .51 કરોડ ટુરિસ્ટ અહીં ની મુલાકાતે આવ્યા છે
આ એટલું મોટું છે કે પૂરું જોવું અને માણવું હોય તો 4 દિવસ જોઈએ
અહીં રહેવાની પણ સગવડ છે .
બસ પાર્કિંગ થી એકાદ કિલોમીટર ચાલવાનું હતું .મેનેજરે અમને સૌને
ટિકિટ અને પેક લંચ આપ્યું .ડિઝનીલેન્ડ બે વિભાગ માં છે ,એક સ્ટુડિઓઝ
જેમાં ચાલવાનું ઓછું અને રાઈડ ઓછી પણ માહિતી સભર ફિલ્મ જોવાની
હતી બીજું ડિઝનીલેન્ડ પાર્ક હતું જેમાં રાઈડ વધારે અને ચાલવાનું વધુ હતું
અને સાંજે પરેડ દર્શન હતું
અંદર જતા પહેલા સિકયીરીટી ચેકીંગ માં થી પસાર થવાનું હતું -આમાં
જમવાનું સાથે લઈ જવાની છૂટ હતી .
અમે સ્ટુડિઓઝ માં જવાનું પસંદ કર્યું ,એક બે રાઈડ માં બેસીને મજા લીધી
લાઈનો ખુબજ દરેક જગાએ હતી -થોડીક માહિતી સભર ફિલ્મ્સ નિહાળીને
આનંદ લીધો .અને લંચ લઈને થોડોક આરામ કર્યો અહીં દરેક જગાએ
બેસવાની સગવડ સરસ હતી આજ ટુરિસ્ટ વધુ હતા
ડિજ્ની પાર્ક માં જુના જમાના પ્રમાણે અને થોડાક કાલ્પનિક કિલ્લા બનાવેલ
છે જેના ફોટા નીચે-વિડિઓ માં મુકેલ છે -પરેડ ની થોડીક વિડિઓ
શ્રી રશ્મિભાઈ અને શ્રી રાઠોડ ભારતીબેને મને મોકલીછે ,તે નીચે મુકેલ છે
પરેડ ખરેજ સરસ હતી -જેમાં બધાજ પાત્ર જોવા મળ્યા હતા
બસમાં અમારી સીટ હતી તેની આગળ ની સીટ માં 8 જણ નુંમેહતા ફેમિલી
ગ્રુપ જોધપુર થીઆવેલ હતા .તેમાંના એક શ્રી આકાશ ભાઈ નો આજ
જન્મ દિન હતો .સૌએ તેમને વીશ કર્યું .અને આજનું છેલ્લું ડિનર સરસ હતું
રસ -પુરી અને મિક્સ ભજીયા નું જમણ સૌને મજા પડી ગઈ
આજ અમારી ટુર નો છેલો દિવસ હતો -એક ગ્રુપ ફોટો પાડ્યો
અમારા સૌના મેનેજરે ફીડ બેક ના ફોર્મ ભરાવીને લીધા

યુરોપ ટુર-12

 યુરોપ ટુર -12 તા -23-8-22 ડો .પ્રકાશભાઈ શુક્લ


આજ સવારે અમારે એન્ટવર્પ થી પેરિસ જવાનું -બેલ્જીયમ થી ફ્રાન્સ -આશરે
400 કિલોમીટર અંતર ચારેક કલાક માં પૂરું થવાનું હતું
આજ ટુર મેનેજરે એક હિન્દી ફિલ્મ મિશન મંગલ મૂકી -સરસ ફિલ્મ છે
લંચ સમયે પેરિસ પહોંચી ગયા -દાવત રેસ્ટોરાં સરસ હતી
લંચ પતાવીને અમે સીટી ટુર માટે મધ્ય માં આવ્યા -જ્યાં અમારા ટુર -ગાઈડ
મિસ રેની અમારા કોચ માં આવીને એકાદ શબ્દ ગુજરાતી નો બોલીને શરૂઆત
કરી ,તેમણે અમને કહ્યું રેની નો અર્થ શાંતિ થાય એટલે શાંતિબેન કહ્યું
માઈક માં તેઓ પેરિસ અને ફ્રાન્સ દેશ વિષે માહિતી અપાતા હતા -શહેર ની
આબાદી 25 લાખ છે -મોટેભાગે ઈસાઈ લોકો રહેછે તેમની ભાષા ફ્રેન્ચ છે
યુરો તેમનું ચલણ નાણું છે .
આ દેશ માં એકલો માણસ રહેતો હોય અને કમાતો હોય તો ટેક્સ 70% હોય
લગ્ન કરેતો ટેક્સ 50% અને બાળકો થાય પછી ઓછો 20% ટેક્સ -આમ
સરકાર લગ્ન અને બાળકો ને પ્રોત્સાહન આપે છે
સૌથી પહેલા કોન્કાર્ડ સ્ક્વેર પર ઉભી રહી તેનો વિડિઓ નીચે મુક્યો છે
પછી દામ સ્ક્વેર પર ઉભી રહી -જ્યો આપણા ઇન્ડિયા ગેટ જેવો 1836 માં
બનાવેલ છે નેપોલિયને શરુ કામ કર્યું પણ ત્રીજા નેપોલિયને પૂરું કર્યું -
તે ગેટ પણ શહીદ જવાનોની યાદગીરી સ્વરૂપ છે ,
પછી બસ માંથીજ જોવાનું હતું -બસ માં થી ઘણા ફોટા લીધા છે -
રાજમહેલ માંથી બનાવેલ લોવરે મ્યુઝીઅમ જે આર્ટ મ્યુઝીઅમ છે
જેમાં મોનાલીસા ના પેઇન્ટિંગ રાખેલા છે
સેન નદી અને તેમાં ફરતા ક્રુઝ જોયા -વરસાઈ રાજમહેલ દૂરથી બતાવ્યો
ત્યાં ગાર્ડન હતો અમને થોડોક સમય આપ્યો ફોટોગ્રાફી માટે
અહીંથી અમારે એફિલ ટાવર જવાનું હતું -એફિલ ટાવર 1889 માં બેજ
વર્ષ માં બન્યો હતો -અમારે થોડુંક ચાલીને જવાનું હતું -દૂરથી આખા એફિલ
ટાવર ના ફોટા લીધા -લાઈન લાંબી હતી -સિક્યોરિટી ચેકીંગ હતું ,અમને
દરેકને મેનેજરે ટિકિટ આપી -એકાદ કલાક લાઈન પછી અમારો નંબર આવ્યો
એક બે દરવાજા વળી લિફ્ટ હતી -20-25 ટુરિસ્ટ લિફ્ટ માં જઈ શકે તેવી
હતી -બીજા માળે અમારે ઉતરવાનું હતું ,ઉતરવાનું બીજા દરવાજાથી હતું
બીજા માળ થી પેરિસ નો નજારો અદભુત હતો ,તેની વિડિઓ મુકેલ છે
પગથિયાંથી પણ એનાથી ઉપર જવું હોય તો જઈ શકાય ,ઘણા ટુરિસ્ટ
પગથિયાં નો ઉપયોગ કરીને ઉપર જતા હતા અને નીચે પણ જતા હતા
અમે લિફ્ટ માં નીચે આવીને પટાંગણ માં રાખેલી બેન્ચ પર બેઠા અને
લાવેલી ચાહ બનાવીને પીધી
બધા ભેગા થયા પછી એક સાથે કોચ માં બેસવા ચાલીને નીકળ્યા
આપણા ભારત ની જેમ ફેરિયાઓ સોવેનિઅર વસ્તુઓ કિચેન ,ફોટા વીગેરે
વસ્તુ વેંચતા હતા -અમારામાંથી ઘણાએ ખરીદ કરી
પેરિસ માં રાત્રે એફિલ ટાવર ને રોશનીથી સજાવવામાં આવે છે -તે જોવા
માટે અમારે વ્યક્તિ દીઠ 20 યુરો આપવાના હતા -મેં પણ આપ્યા -ડિનર
પતાવીને પેરિસ નો રોશનીનો નજારો જોવા નીકળ્યા અને ખરેજ આહલાદક
હતો ,તેની પણ નીચે વિડિઓ મૂકી છે -તમને પસંદ જરૂર આવશે રાત્રે મોડું થયું
પણ સવારે નીકાળવામાં થોડો મોડો સમય હતો -તેથી કઈ મુશ્કેલી ના પડી